ఈ పుట అచ్చుదిద్దబడ్డది
రేకు: 0150-2 శంకరాభరణం సంపుటం: 07-292
పల్లవి:
వలపులు వలపులు వయ్యాళి
చలమరి మరుఁడును సమేళి
చ.1:
నెలఁతవమోమునకు నీకనుచూపులు
నిలువున ముత్తెపు నివాళి
కొలఁదికి మీరిన గురుకుచములకును
తొలఁకు నీమనసు దువాళి
చ.2:
వనితనిండు జవ్వన గర్వమునకు
ఘనమగు నీరతి కరాళి
వెనకముందరల వెలఁదిమేనికి నీ
పెనఁగు గోరికొన పిసాళి
చ.3:
పడఁతికోరికల భావంబునకును
కడుఁగడు నీతమి గయాళి
చిడిముడి మగువకు శ్రీ వేంకటపతి
విడువనికూటపు విరాళి
