ఈ పుట అచ్చుదిద్దబడ్డది
రేకు: 0149-6 పాడి. సంపుటం; 07-290
పల్లవి:
ఇదివో యింతట వరంబీవయ్యా
కదిసి ప్రత్యక్షంబు గావయ్యా చెలికి
చ.1:
తరుణి నిన్ను బెడఁబాసి తపము శాయఁగ దొడఁగె
విరహంపు నులిగురుల విరజడలతో
అరమోడ్పు కనుఁగొనల ఆనందములతోడ
బరువైన నిట్టూర్చు పవనముతోడ
చ.2:
ముదిత నినుఁ దలపోసి మునిమార్గమునఁ జెలఁగె
మొదల నివ్వెరపాటుమోనంబుతో
వదలని పులకగముల వనవాసములతోడ
అదనెరఁగని నిరాహరంబుతోడ
చ.3:
ఉవిద నీతోఁగూడి యోగంబు సాధించె
వివరంబుతోడ శ్రీ వెంకటేశ
నవకమగు రతుల నానావిధంబులతోడ
కవగూడియున్న చిరకాలంబుతోడ
