ఈ పుట అచ్చుదిద్దబడ్డది
రేకు: 0148-4 దేశాక్షి సంపుటం: 07-282
పల్లవి:
నవరములదీనళినాక్షి
జవకట్టి నీకుఁ జవిసేసీని
చ.1:
శృంగారరసము చెలియమొకంబున
సంగతి వీరరసము గోళ్ళ
రంగగు కరుణారము పెదవులను
అంగపుఁ గుచముల నద్భుతరసము
చ.2:
చెలి హస్యరసము సెలవుల నిండీ
పలుచని నడుమున భయరసము
కలికి వాడుఁగన్నుల బీభత్సము
అలబొమ జంకెన నదె రౌద్రంబు
చ.3:
సతిరతిమరపుల శాంతరసంబదె
అతిమోహము పదియవరసము
ఇతవుగ శ్రీ వెంకటేశ కూడితివి
సతమై యీపెకుసంతోసరసము
