ఈ పుట అచ్చుదిద్దబడ్డది
రేకు: 0148-1 గుండక్రియ సంపుటం: 07-273
పల్లవి:
చెలువుఁడ చూడుమా యీ చెలియసింగారము
మెలఁగి మెలఁగి మంచిమేలెల్లాఁ గూడెను
చ.1:
గక్కన సంపెంగపూవు కలువలు దామరయు
నొక్కట నీచెలిమెమై యొనగూడెను
పక్కన వజ్రములును పగడాలు నీలములు
అక్కరతోఁ గడుకొని అందుకే తోడాయను
చ.2:
కొండలును దీగెలును గుహలోని సింహమును
మెండుకొని యీవనితమేనాయను
గండుఁదుమ్మిదల చేరుఁ గనకము శంఖమును
అండనె పొత్తుగలిసి యందుకుఁ దోడాయను
చ.3:
చిగురును నరంట్లు చిత్తజుబండికండ్లు
తగనింతిపిరుఁదుఁ బాదాలుఁ దొడలై
నిగిడి శ్రీ వేంకటేశ నీకు మంచివస్తువుల
వగలలమేలుమంగ వనితయై కూడెను