ఈ పుట అచ్చుదిద్దబడ్డది
రేకు: 0147-4 మధ్యమావతి సంపుటం: 07-276
పల్లవి:
పంతపుఁ జెలులలోన భాగ్యము నాది
యింతటిదాననై రూఢికెక్కితి నేనమ్మా
చ.1:
పవళించి వుండినాను పాదము నామీఁదనే
కవగూడనుండినాను కాఁక నామీఁద
అవలఁ బారకై యున్న హస్తము నామీఁదనే
యివల నాపతిమోహమేమి చెప్పేనమ్మా
చ.2:
తలవంచుకుండినాను తలఁపు నామీఁదనే
పలుకకుండిన నాసబాస నామీఁద
కొలువులోనుండినాను గురుతు నామీఁదనే
యెలమి నాపెద్దరికమేమి చెప్పేనమ్మా
చ.3:
పనిగలిగుండినాను పక్షము నామీఁదనే
మనవి వింటానున్నా మర్మము నామీఁద
అనువై శ్రీ వేంకటేశుఁడన్నిటాను నన్నుఁగూడె
యినుమడించె వలపులేమిచెప్పేనమ్మా
