ఈ పుట అచ్చుదిద్దబడ్డది
రేకు: 0146-3 బౌళిరామక్రియ సంపుటం: 07-269
పల్లవి:
మేలుగా నీ మేకులు
వాలుఁజూపులట్టే పంచేవు
చ.1:
చెంది నిన్నాతఁడు చెనకఁగా యేమే
కందువలంటక కసరేవు
యిందులోనే కొన్నియెమ్మెలా విడె
మంది యిమ్మనఁగ నలసేవు
చ.2:
పేరుకొని నిన్నుఁ బిలువఁగా యేమే
కూరిమి గొసరక కొంకేవు
నేరుచుకొంటివే నిన్నిట్లూ పతి
గోర గీరితేను గొణఁగేవు
చ.3:
నిండుఁగాఁగిట నించఁగా చన్నుఁ
గొండలనొత్తక గునిసేవు
అండనే శ్రీవేంకటాధీశుఁడు గూడె
మెండుకొనఁగానే మించేవు