ఈ పుట అచ్చుదిద్దబడ్డది
రేకు: 0146-1 భైరవి సంపుటం: 07-267
పల్లవి:
ఏమి సేతువు నీవు యిందరికిఁ గలిగినదే
నీమనసుకిచ్చకమే నేర్తు నేనయ్యా
చ.1:
తగులు గలవారికిని తమకములె చెలరేఁగు
యెతగసక్కెమాడినా యెగ్గులేదు
పగటు నగవులె కాని బ్రయమించుకా లేదు
అగడుసేసిఁక నిన్ను నాడనేలయ్యా
చ.2:
ఆసగలవారికిని అంగములెరఁగరావు
దోసమని పుణ్యమని తోఁచదొకటి
వేసటించుకలేదు వెంటవెంటనె తిరుగు
కోసి రాచిఁక నిన్నుఁ గొసరనేలయ్యా
చ.3:
చవులు గలవారికిని సమరతులె పనులగును
దివములును రాత్రులు తెలియదెప్పుడును
ఇవలనిదె శ్రీ వేంకటేశ ననుఁ గూడితివి
జవళి నీతో మాకు చలములేలయ్యా
