ఈ పుట అచ్చుదిద్దబడ్డది
రేకు: 0145-3 పాడి సంపుటం; 07-263
పల్లవి:
ఊరకున్న వారినేల వుష్పటించేవే
దూరులేక దూరితేను దోసముగాదా
చ.1:
ఎక్కడికెక్కడి సుద్దులేదో మనసునఁబెట్టి
చక్కఁ జూడనైతినంటా సాదించేవు
వొక్కట్టిపై వొక్కటివేశూరకె వాదడిచితి
అక్కరతోఁ జేయివట్టితే అపరాధమా
చ.2:
పనిలేని పనులకు పంతములెక్కించుకొని
చనవుననవునంటా సాదించేవు
అనుమానములకుఁగా అట్టెవొలలు వేసితి
నినుఁ గాగలించితేనే నేరమాయనా
చ.3:
తమకమెడలేనిది తనువునఁ బెట్టుకొని
సమమోహము లేదంటా సాదించేవు
భ్రమదీర శ్రీవెంకటపతినంటా నన్నుఁగూడి
జమళిఁ బాయవు నేఁడు సంతోసించితివా
