ఈ పుట అచ్చుదిద్దబడ్డది
రేకు: 0144-3 సామంతం సంపుటం: 07-257
పల్లవి:
ఆఁటదానిబలువిది ఆడుకోనేమున్నది
కూటములు గలిగితే కొంగువట్టి తీసును
చ.1:
కూరిమిగలుగు సతి కోపగించుకొంటేను
పేరడి కన్నీరు నించు ప్రియుని తోను
ఆరీతి నాఱడికత్తెయైతే మఱియొకతె
నేరుపుతోడ నూరకే నెటికవిరుచు
చ.2:
యేఁపిన విభుఁడువచ్చి యెదుట నిలిచితేను
దాపుగఁజేయెత్తిమొక్కి తలవంచును
రావుతోడ వేరొకతె రాజసమైనది యైతే
తీపుల మోవి మీఁద తిట్టులెల్లాఁదిట్టును
చ.3:
ఆసపడ్డ మగువను ఆయములంటితేను
నేసవెట్టి లోనౌను సిగ్గుతోడను
యీసుదిర శ్రీవేంకటేశ ననుఁబోఁటిదైతే
వాసికి నిన్నుఁగూడి వలపెల్లా నింతును
