ఈ పుట అచ్చుదిద్దబడ్డది
రేకు: 0144-11 శ్రీరాగం సంపుటం; 07-255
పల్లవి:
బాపు బాపు నాతపసు ఫలియించెను
యేపున నీచెప్పినట్టే యిఁకనుండే నేసు
చ.1:
మచ్చరము నాకుఁదీరె మనసెల్ల నొక్కటాయ
నచ్చులనాపె నీతో నవ్వఁగాను
విచ్చనవిడిఁజలఁగు వెంగెమాడ నిన్నుమఱి
యిచ్చకురాలనై నీకు యిఁకనుండే నేను
చ.2:
వేడుకలు నాకుఁబుట్టె వెరపులిన్నియుఁ బాసె
కూడా నీతొడపైనాపె కూచుండఁగాను
వోడక సిగ్గువిడువు వుల్లసాలాడ నిన్ను
యీడనె సతమై నీకు యిఁకనుండే నేను
చ.3:
తారుకాణ నాకువచ్చె దయపుట్టె నాలోన
చేరి కౌఁగిలించి యాపె చెనకఁగాను
యీరీతి శ్రీవేంకటేశ యిటునన్నుఁ గూడితివి
యీరసము మానెఁ బాయకిఁకనుండే నేను