ఈ పుట అచ్చుదిద్దబడ్డది
రేకు: 0143-6 కన్నడగౌళ సంపుటం: 07-254
పల్లవి:
నీకెరవుగాను నేను నీవునాపెఁ గూడితేను
రేకగా నీళ్ళడచితే రెండయ్యీనా యెపుడు
చ.1:
నేరుపున నాపెతోడ నీవే మాటాడరాదా
చేరి నేఁబిలువఁబోతే సిగ్గువడీని
సారెఁ బ్రియముచెప్పినా సవతుల నమ్ముదురా
పేరనిపాలఁ దోడంటుపెట్టితేను పేరునా
చ.2:
పంతాన నీవేకతాన బలిమిసేయఁగరాదా
చెంతలనేఁ జేవట్టితే సిగ్గువడీని
యింతటి మావంటివారి యిచ్చకాలియ్యకొందురా
కొంతైనా నినుముతోఁ గూడునా కనకము
చ.3:
వల్లెవేసి యాపెఁగూడి వావులు చెప్పుకోరాదా
చెల్లెలవంటేఁ దాను సిగ్గువడీని
యిల్లిదె శ్రీవెంకటేశ యిటు నన్నుఁ గూడితివి
వొళ్ళఁబెట్టిన సొమ్ములు వొద్దికెఁగూడుండవా