ఈ పుట అచ్చుదిద్దబడ్డది
రేకు: 0143-3 దేశి. సంపుటం: 07-251
పల్లవి:
మేలయ్య నీచేఁతలు మెచ్చితినయ్య
తాలిమిలెస్సపనాయఁ దగవరివవుదువు
చ.1:
పడఁతిఁ బిలువనంపి పగడసాలాడేవు
వుడుగకీపరాకులకోపునా ఆపె
యెడసి పానుపుమీఁద యెదురుచూచీఁ జెలియ
నడుమ మామోముచూచి నవ్వేవిక్కడను
చ.2:
కొమ్మను లోనికినంపి కొలువున్నాఁడవు యీడ
వుమ్మగిలు నికాఁకలకోపునా ఆపె
చెమ్మఁ జెమటలతోడ చేసన్న సేసేనబల
పమ్మి మాకునుడిబడి పనులుచెప్పేవు
చ.3:
దోమతెర వేయించి తొంగిచూచేవిందరిని
వోముచు నీవేసాలకోపునా ఆపె
ఆముకొని శ్రీవేంకటాధిప నిన్నింతి గూడె
వేమారు మమ్మిక్కడను వీడేలడిగేవు
