ఈ పుట అచ్చుదిద్దబడ్డది
రేకు: 0142-3 పాడి. సంపుటం; 07-245
పల్లవి:
ఏల నన్నునొరసేవు యిన్నేసిచేఁతలను
చాలుననేనా మోవి చప్పఁజేతుఁగాక
చ.1:
పంతములాడేనా పరాకున నీవుండితే
చింతదేర నీసేవ సేసీఁ గాక
వంతులడిగేనా నిన్ను వనితలలోన నుంటే
దొంతరవలపులను తొప్పఁదోఁగింతుఁ గాక
చ.2:
కన్నులఁ దిట్టేనా గక్కన నీవు రాకుంటే
చన్నులనే వొత్తి నిన్ను సాదింతుఁగాక
విన్నపాలు సేసేనా విచ్చనవిడినే వుంటే
కిన్నర మీఁట్లలోనే గిలిగింతుఁగాక
చ.3:
కపటాలు సేసేనా కాఁగలించుకోకుండితే
వుపమ వీడేనకుఁ జేయొగ్గింతుఁ గాక
యిపుడె శ్రీవేంకటేశ యిట్టె నన్నుఁగూడితివి
అపలాపించేనా నేనట్టే మెత్తుఁగాక
