ఈ పుట అచ్చుదిద్దబడ్డది
రేకు: 0141-5 శ్రీరాగం సంపుటం; 07-241
పల్లవి:
ఏల కొనఁబెట్టేవే యెందాఁకా మాటలు
నాలితో వండినకూడు ననుఁబాయే కాదా
చ.1:
పెక్కువనితలమీఁది ప్రియము గలవానికి
యెక్కడిది మోహము నీవేమి చెప్పేవే
వొక్కమాఁటె సారెసారెనొట్టుకొని చవిగొంటే
మొక్కలానఁ బంచదార మొగచాటుగాదా
చ.2:
గాఁటపుసతులఁబొంది కాయాటైన వానికి
యేఁటికిఁ గరఁగీ గుండె యెమిచెప్పేవే
మేఁటియై మేనినిండా మితిలేక పెట్టుకొంటే
నీఁటున బంగారైన నిండా వేఁగుగాదా
చ.3:
ఊరఁ జుట్టపు శ్రీ వేంకటోత్తముఁడైనవానికి
యేరీతిఁ దమిరేగీనేమి చెప్పేవే
యీరీతి నన్నునేలె యింకాఁ గొసరితేను
పేరఁబెట్టితే పాలు పెరుగేకాదా