ఈ పుట అచ్చుదిద్దబడ్డది
రేకు: 0141-3 బౌళి సంపుటం: 07-239
పల్లవి:
ఔనే జాణక త్తెవు అన్నిటా నీవు
యేనిగె గుజ్జౌఁగదే యెక్కినవారికిని
చ.1:
ఇంతవాసి గలదానవేల నవ్వితివే ముందు
చెంతఁ బెట్టనికోటవై చెలఁగవద్దా
వంతులకు నీవెంత వలపించుకొనినాను
పంతపు విభుఁడు కిందుపడునా నీకు
చ.2:
యెగ్గుపట్టేటి దానవు యేల రమ్మంటివే ముందు
వొగ్గి వీడనిగంటవై యుండఁగరాదా
అగ్గలమై నీవెంత అట్టి బాసగొనినాను
సిగ్గులాతఁడు ప్రియము చెప్పునా నీకు
చ.3:
యెలయించేటిదానవు యేల మొక్కితివే ముందు
అల కదలనికంబమై యుండరాదా
బలిమి శ్రీ వెంకటేశుఁగలసి యెంతవుండిన
బలువుఁడీతఁడు తడఁబడునా నీకు
