ఈ పుట అచ్చుదిద్దబడ్డది
రేకు: 0140-3 కాంబోది సంపుటం: 07-233
పల్లవి:
ఎంతసంతోసమోకాని యేమి చెప్పేది
వింతలైన వలపుల విడిదాయఁ దాను
చ.1:
అమరనాదరించి చెప్పంపిన నీమాటవిని
చెమటలచెలమాయఁ జెలియ
గమకపు నీముద్దుటుంగరపు గురుతుచూచి
గములైన మెఱుఁగులగని యాయ మొగము
చ.2:
అలరనాసరేఁచ నీవంపిన విడెము చూచి
పులకలపోగాయఁ బొలఁతి
వలనై పొందికల నీవ్రాలకమ్మలు చూచి
పలచని నవ్వుల పండుగాయ మోవి
చ.3:
కడఁగి శ్రీవేంకటేశ కాఁగిట నీవు నించితే
కడు సిగ్గులకొండాయఁ గలికి
వుడివోని నీరతుల వొడఁబడికలఁ జెంది
అడియాలమైన మణిహారయమాయను
