ఈ పుట అచ్చుదిద్దబడ్డది
రేకు: 0140-2 శంకరాభరణం సంపుటం: 07-232
పల్లవి:
ఎన్నఁడు లేనిగురుతులిదె నీమేనఁ గంటిమి
సన్నల యీసుద్దులెట్లు చవిసేసేవే
చ.1:
చెదరెను నీకురులు చెమట చెక్కుల నిండె
యెదురి మెచ్చఁగ నర్ధమేమి చెప్పేవే
వదలె నీమొలనూలు వాడెను నీకెమ్మోవి
పాదలి యిందుకెట్లా బొంకఁగలవే
చ.2:
కంకణాలు వదలెను గందపుఁబూఁత చిట్లి
వంకలొత్తి యిందుకెట్టు వాదించేవే
సుంకుమోపెఁ బలుకులఁ జూపులఁ గొత్తలు దోఁచె
సంకెలేక యివియెట్లు సటలనేవే
చ.3:
మోమునఁ గళలు నించె ముక్కున నిట్టుర్చురేఁగె
యీమాటకుత్తరమెట్లిచ్చేవే మాకు
ఆముక శ్రీ వేంకటేశుఁడన్నిటాను నిన్నుఁగూడె
ఆమని సెలవినవ్వులాఁపనెట్లు వచ్చునే
