ఈ పుట అచ్చుదిద్దబడ్డది
రేకు: 0139-2 సౌరాష్ట్రం సంపుటం: 07-226
పల్లవి:
చేసినట్టే సేసుఁగాక చెప్పేదేమి
సేస వెట్టినట్టి తన చేతి లోని దానను
చ.1:
వేడుకకు వెలలేదు వెన్నెలకుఁ గాటువోదు
ఆడనీవే తన మాట కడ్డము లేదు
గోడ గడుగవచ్చునా కొసరఁగనిఁకనేల
కూడిన తన సతుల గుంపులలోని దానను
చ.2:
జవ్వనము పొల్లవోదు చలిగాలి బొందువోదు
నవ్వనీవే తనవావి నడుమఁబోదు
గవ్వ వొరయవచ్చునా కక్కసించ నిఁకనేల
కువ్వగాఁ బోసిన తనకొలువులోదానను
చ.3:
తియ్యవిల్లు చప్పుగాదు దీకొన్న వలపు వోదు
యియ్యనీవే తన మోవికెంగిలిలేదు
పయ్యదంటి శ్రీ వేంకటపతి నన్నునిదె కూడె
యియ్యెడఁ దాఁ బవళించే యింటిలోనిదానను