ఈ పుట అచ్చుదిద్దబడ్డది
రేకు: 0136-6 ఖైరవి సంపుటం: 07-216
పల్లవి:
సిగ్గులేల లోనికి విచ్చేయవయ్య
అగ్గమాయ నావంటిదే ఆపెయు నీకిపుడు
చ.1:
మఱఁగుకు రావయ్య మంచిమేలు సుద్దిచెప్పే
మెఱసి నీవెంత మెచ్చు మెచ్చేవో కాని
తఱి తెరమరఁగింతే తారుకాణించఁగవచ్చు
యెఱిఁగి వలచి వచ్చెనేమౌనో కాని
చ.2:
చేయిచాఁచఁగదవయ్య చేకానుకొకటి ఇచ్చే
ఆయమెరిఁగెంతముదమందేవో కాని
పాయని చుట్టురికాలు పడితళించఁగ వచ్చు
చాయల నీ గురుతులు సరివచ్చివున్నవి
చ.3:
పెనఁగక వుండవయ్య పేరు నీవీపున వ్రాసే
ననిచి నీవందుకెంత నవ్వేవో కాని
ఘనుఁడ శ్రీ వేంకటేశ కలసితివిటు నన్ను
యెనసిన నానీడే యిందాఁకా నేనన్నది
