ఈ పుట అచ్చుదిద్దబడ్డది
రేకు: 0136-1 దేసాళం సంపుటం: 07-211
పల్లవి:
రట్టెతిమన్నిటాను దిట్టవు నీవు
గుట్టు తోడ నుండఁగాను కొసరకు నీవు
చ.1:
తగని నీచేఁతకు నేఁ దలవంచుకుండఁగాను
నగకుమీ సారె సారె నాతో నీవు
అగడై తొల్లే నేను ఆలనైవుండఁగాను
మొగము చూచి అప్పటి మొక్కకుమీ నీవు
చ.2:
అంతటా నేనీతో పాలయలుకతో నుండఁగాను
అంతలోఁ గొంగువట్టి తియ్యకుమీ నీవు
చెంతలనిట్టే నేను సిగ్గువడి వుండఁగాను
బంతినెడమాటాడి అంపకుమీ నీవు
చ.3:
పైకొని యేపొద్దు నేఁ బానుపుపైనుండఁగాను
వాకుచ్చి పేరునఁ బిలువకుమీ నీవు
చేకొని కూడితివిదె శ్రీ వెంకటేశ నన్ను
యీ కొలఁది మన్ననలే యిమ్మీ నీవు