ఈ పుట అచ్చుదిద్దబడ్డది
రేకు: 0134-6 సౌరాష్ట్రం స సంపుటం: 07-204
పల్లవి:
తెలిసిన వారికిద్ తేనెకంటెఁ దీపులు
వలసితేఁ జేకొనవే వనితరో నీవు
చ.1:
నేరిచినవారికి నీడవంటిది మోహము
నేరనివారికి నెండ వెనెలవంటిది
కూరిమి గొసరితేను కొపము చెల్లదిందుకు
మేరమీరినఁ దమలో మెచ్చవలెఁ గాని
చ.2:
వోపనవారికి వయసోడబేరము వంటిది
వోపినివారికి వేఁటవుచ్చు. వంటిది
చేపట్టి తీసితేను సిగ్గులువడఁ దగదు
పై పైఁ గూడిన బాఁతిపడవలెఁ గాని
చ.3:
కూడినవారికి రతి కొట్టిన పిండివంటిది
కూడనివారికి కలగూరవంటిది
యీడుజోడై శ్రీ వేంకటేశుఁడిదె నిన్నుఁగూడీ
వేడుకతోఁ జెప్పినట్టు వినవలెఁగాని