ఈ పుట అచ్చుదిద్దబడ్డది
రేకు: 0134-4 గుజ్జరి సంపుటం: 07-202
పల్లవి:
సొరిది మీసరితెలు చూతుముగాక
అరిది మమ్మేల సాకిరడిగేరు మీరు
చ.1:
చెలిమికాఁడవు గాన చెలి నీకుఁ బెట్టెం దమ్మ
మలసి నవ్వులు నవ్వ మాకేలా
బలిమీకాఁడవుగాన పట్టి నిన్నుఁ దియ్యఁగాను
అలరి యడ్డాలు రానంతమాకేలా
చ.2:
చేకొద్దివాఁడవుగాన చెప్పె నీకుఁ బనులెల్లా
మాకు నిన్ను గేలిసేయ మరియేలా
పైకొన్నవాఁడవుగాన పడఁతి రాకొట్టుగొట్టె
కైకొని మీ మాటల వంకలు దిద్దనేలా
చ.3:
మేనవాఁడవటుగాన మెడగట్టుకొనిపించె
తానె అలమేలుమంగ తమకమేలా
పూని శ్రీ వేంకటేశుఁడ పొందుగా మమ్మేలితివి
కానిలే మిమ్మెరిఁగితి కడమలింకేలా
