ఈ పుట అచ్చుదిద్దబడ్డది
రేకు: 0132-5 పాడి సంపుటం; 07-191
పల్లవి:
నేరుచుకొంటివే మేలు నేఁడే యింతేసి
మేరమీరి సేసినదే మేలుబంతిగాదా
చ.1:
నేనాతనితో నవ్వితే నీవేమనేవే వోసి
కానీవే అన్నియునిఁకఁ గనుకొనేవు
దానికేమే మాటలేల దగ్గరి రావే వోసి
మైనము సూలమౌనటే మాపుదాఁకాను
చ.2:
కాంతునికి నేమొక్కితే కాదనేవటే వొసి
యింత బలవంతురాలవెందు వొయ్యేవే
పంతములన్నియునేరుపరచేలేవే వోసి
యెంత తొండమున్నా దోమ యేనుగవునటే
చ.3:
శ్రీ వేంకటేశుఁడు గూడే చింత నీకేలే వోసి
కైవశము తొల్లేనాకుఁ గదే ఇతఁడు
రావే అక్కచెల్లెండ్లము రవ్వయైతిమే వోసి
నీవు నీరడిచితేను నేఁడు రెండౌనటవే
