ఈ పుట అచ్చుదిద్దబడ్డది
రేకు: 0131-5 శంకరాభరణం సంపుటం: 07-185
పల్లవి:
పొంచి నా చన్నులంటేవు పోకముడి జారించేవు
నించే నీ పోందులకు నేనూఁ బైకొసరా
చ.1:
ఇందరు సతులలో నాయెచ్చుకుందులు చూడవు
సందడిఁ గాలుదొక్కేవు సారెసారెకు
చందమైన నీ పాదము సంతముద్రకోలాయ
యిందుకు నేనూ లోనై యిరవుకోవలెనా
చ.2:
జంగిలి కాంతల నెల్లా సంగతులెంచక నీవు
యెంగిలి సేసేవు మోవి యేకముగాను
పంగించ నీనోరు బందెయెద్దుమోరాయ
కంగులేక కదుపునఁ గలపఁగవలెనా
చ.3:
కొలువుకాంతలనెల్లా కొంకక శ్రీ వేంకటేశ
కలగొన నీవురానఁ గాఁగిలించేవు
వలపుల నీ మేను చలివందిలినీడాయ
చెలరేఁగి నిన్నుఁగూడి సేస చల్లవలెనా