ఈ పుట అచ్చుదిద్దబడ్డది
రేకు: 0130-4 గుండక్రియ సంపుటం: 07-178
పల్లవి:
తొలుతనే వలచిన తొయ్యలి నేను
మలసి నిన్నుఁ గాదని మారుకొనవచ్చునా
చ.1:
వేడుకతో నీమాటలు వినేదే మేలుగాక
జోడుగూడ నందుఁ గొంత సోదించనేలా
వీడెము చేతికిచ్చితే వేసుకొనుటే కాక
వూడిగము సేసే చెలివొడిఁ బెట్టనేలా
చ.2:
ననిచి నీసేఁతలకు నవ్వేదే మేలుగాక
చెనకి యింతేసి గరిసించఁగనేలా
మొనసాదము చాఁచితే మొక్కేదే తగవుగాక
పెనఁగి అట్టె బటువుబిల్లవెట్టనేలా
చ.3:
గుట్టుతో నీసన్నలకుఁ గూడేదే మేలుగాక
వట్ట సిగ్గుతోఁ దలవంచఁగనేలా
యిట్టె శ్ర వేంకటేశ యేలితివి నన్ను నేఁడు
బెట్టి మోవితేనిచ్చితే పెరఁబెట్టనేలా
