ఈ పుట అచ్చుదిద్దబడ్డది
రేకు: 0129-4 శంకరాభరణం సంపుటం: 07-172
పల్లవి:
ఏఁటికింకా నీవిభునినేల దూరేవే
గాఁట్టపు మదమునను గరిసించనేఁటికే
చ.1:
కగ్గులెని జక్కవలు ఘనాలని పాగడితే
సిగ్గువడనేమిటికే చెలియ నీకు
నిగ్గుల తుమ్మిదలను నెట్టుకొని మెచ్చితేను
తగ్గి బొమ్మజంకెనల తాటించనేఁటికే
చ.2:
అడవిలోని సింహమును అట్టె చేతఁబట్టితేను
గుడిగొన నాయకునిఁ గొసరనేలే
తడవి లేఁదీగెల మొదళ్ళు గోరనొత్తితేను
వుడిగుడిగి నీపెదవులఁ దిట్టునేఁటికే
చ.3:
ఆరఁటులుఁ జిగురులునాసపడి చూచితేను
నెరవుతోడుతఁ దెరవేయనేఁటికే
అరిది శ్రీ వేంకటేశుఁడలమేల్మంగవు నిన్ను
సరవిఁ గూడెను యింకా సాదించనేఁటికే
