ఈ పుట అచ్చుదిద్దబడ్డది
రేకు: 0129-1 శ్రీరాగం సంపుటం: 07-169
పల్లవి:
ఇట్టి నిన్ను నుతియించ యెవ్వరితరములయ్య
నెట్టున పెక్కురూపాల నెలవై నీవుంటివి
చ.1:
నిక్కి దేవుళ్ళు ముత్యాల నీపై వసంతమాడఁగా
చుక్కలలో చంద్రుఁడవై చూపట్టితివి
గక్కన మఱియు వడగండ్లవానలతోడి
మిక్కుటపు తొలుకరి మేఘమవై యుంటివి
చ.2:
నిగ్గుగల ముత్యాలు నెలఁతలు చల్లఁగాను
బుగ్గలతో వారాశిఁ బోలితివి
అగ్గమై అప్పటినీఅంగములనంటితేను
తగ్గక బ్రహ్మాండాలు ధరించినట్టుంటివి
చ.3:
తడవెలమేల్మంగ ముత్యాలసేస చల్లఁగాను
పొడము మొగ్గల సురపాన్నఁ బోలితి
కడఁగి శ్రీ వేంకటేశ క్రమ్మరనెంచి చూచితే
వడియు నురుగుల కవ్వపుఁగొండఁ బోలితి
