ఈ పుట అచ్చుదిద్దబడ్డది
రేకు: 0128-5 పాడి సంపుటం; 07-167
పల్లవి:
ఏల కొంగువట్టేవు యెమ్మెకాఁడా
నీలాగులిట్లానా నీటుకాఁడా
చ.1:
గొల్లచల్ల నెత్తిఁబెట్టుకొని నీకునమ్మరాఁగా
చల్లులాడేవేమోయి జాజరకాఁడా
పుల్లలనొత్తిన పచ్చి పునుఁగు గని తేఁగాను
వొళ్ళ (ల్ల?) నాకేల పూసేవు వుదుటుకాఁడా
చ.2:
పదిలానఁ బాలపండ్లు పయ్యెదలోఁ గొంటా రాఁగా
అదేల పిసికేవోయి ఆగడీఁడ
పాదల పువ్వులుగోసి పొత్తరగట్టుకుండఁగా
వెదచల్లుదురా నాపై వేసాలవాఁడా
చ.3:
వొలిసి పులిజూజము వొడిఁగట్టుకొని రాఁగా
అలరి నన్నాడించేవు అందగాఁడా
యెలమి శ్రీ వేంకటేశ యేలితివి నే మొక్కఁగా
అలమేవు కమ్మటినాసోదకాఁడా
