ఈ పుట అచ్చుదిద్దబడ్డది
రేకు: 0126-4 బౌొళి సంపుటం: 07-154
పల్లవి:
నేనెఱంగనా నీనేరుపులివి
నానాగతుల లాలించి నవ్వింతువు
చ.1:
వెలి నీవేడనుండినా వెసనేఁదలఁచితే నా
తలఁపులోననెయుండి దయసేతువు
లలినెంతపరాకైనా లక్షించి నిన్నుఁ జూచితే
చలువమోవియొసగి చనవిత్తువు
చ.2:
పాటించి నీపేరుకుచ్చి బయలుమాఁటలాడితే
మాటలోనుగానే వచ్చి మన్నింతువు
నీటునఁ గొలువులోన నీకు నేనిట్టె మొక్కితే
చోటు చూపి నాతోనే సుద్దులు చెప్పుదువు
చ.3:
ఆతలిమోమైవుండఁగానట్టే చేతులు చాఁచితే
చేతులనే సన్నసేసి చెనకుదువు
యీతల శ్రీ వేంకటేశ యిటు నన్నుఁ బెండ్లాడితి
రాతిరిఁ బగలు నన్ను రతులఁ జొక్కింతువు