ఈ పుట అచ్చుదిద్దబడ్డది
రేకు: 0126-1 శంకరాభరణం సంపుటం: 07-151
పల్లవి:
దొరవైతేనేమాయ దోసమా మీలో మీకు
యెరవులేనిచోటికి యితవులే కావా
చ.1:
పలుమారునాపెనిట్టే పాటలు వాడుమనేవు
మెలుపున నీవు దండె మీటరాదా
చెలువుఁడవీమాటకు సిగ్గువడేవదియేమీ
కలుపుకోలైన మేళగాఁడవు గావా
చ.2:
అంతలోనే పగడసాలాడుమనేవాకెను
యింతి యలసెఁ బాసికలెత్తియ్యరాదా
పంతాన నామోము తప్పక చూచేవదియేమీ
వంతుకుఁ బాగకాఁడవీవల నీవేకావా
చ.3:
పొందుగా పరిమళము పూయమని పెనఁగేవు
గందము దీసిచ్చి పాదుగఁగరాదా
చెంది నన్నుఁ గూడితివి శ్రీ వేంకటేశ యేమీ
యిందుకునందుకు నీవే హితుఁడవు గావా
