ఈ పుట అచ్చుదిద్దబడ్డది
రేకు: 0125-6 బౌళి సంపుటం: 07-150
పల్లవి:
ఏమని చెపఁగవచ్చు యింతా నీభాగ్యమే
వేమారునెంచి చూచితే వింతలై నిలుచును
చ.1:
ధరలోఁ గప్పురమందరికిఁ జల్లనైయుండు
విరహులకైతేను వేఁడై యుండును
తరుణులకు నవ్వులు తగవినోదమైయుండు
కెరలించ నీకవే వెంగెములై పరగును
చ.2:
ఇమ్ముల సంపంగిపూవులిందరికితవై యుండు
తుమ్మిదలకైతేనే దొరయకుండు
కొమ్మలకు జంకెనలు కోరి సింగారాలై యుండు
వుమ్మడి నీకైతే మర్మాలొరయుచుండును
చ.3:
భూమికెల్లాఁ జందమామ పొసఁగించు వేడుకలు
తామరలకైతేనే తలవంపులు
కామించి శ్రీ వేంకటేశ గక్కన నన్నేలితివి
యీమేలు నీకైతేను యియ్యకోలై యుండను