ఈ పుట అచ్చుదిద్దబడ్డది
రేకు: 0125-3 పాడి సంపుటం; 07-147
పల్లవి:
ఇంతటి నీ నోముఫలమేమి చెప్పేది
కాంతరో యిదె నిచ్చకల్యాణముగాదా
చ.1:
మాట జవదాఁటని మగవాఁడు గలిగితే
ఆఁటదాని భాగ్యమేమని చెప్పేదే
యీటుననాతఁడుఁదాను యేకచిత్తమైవుండితే
చాటువకెక్కిన జన్మసాఫల్యము గాదా
చ.2:
వెంటవెంటఁ దిరిగేటి విభుఁడు గలిగితేను
యింటిలోనిల్లాలిపుణ్యమేమి చెప్పేదే
బంటువలెఁ బనిసేసి పాయకాతఁడుండితే
అంటి మనోరథఫలమబ్బుటది గాదా
చ.3:
పక్కవాయకుండేటి ప్రాణుశుఁడు గలిగితే
యెక్కువైన సతిసాఖ్యమేమి చెప్పేదే
ఇక్కడ శ్రీ వేంకటేశుఁడిటు నిన్నూ నన్నుఁ గూడె
తక్కక మనకుఁ దాఁ బ్రత్యక్షమవుటగాదా
