ఈ పుట అచ్చుదిద్దబడ్డది
రేకు: 0124-6 ఆహిరి సంపుటం; 07-144
పల్లవి:
సిగ్గరి పెండ్లికూఁతురు చెలియనింతసేతురా
తగ్గక సెలవి నవ్వు తతిగొనెను
చ.1:
పువ్వుల వేసినవేటు పుప్పాడి నిండాఁ జింది
జవ్వని చన్నులమీఁద జాజుకొనెను
చివ్వన మైచెమరించి చిత్తడిచెమటతోడ
దువ్వటపుఁ బయ్యదెల్లాఁ దొప్పఁదోఁగెను
చ.2:
పన్నీటఁ జిమ్మిన చిమ్ము పదను పైపైఁ గప్పి
కన్నెచెక్కులమీఁద కారుకమ్మెను
వున్నతితోఁ బులకించి వొగిఁ బొకముడి జారి
తన్నుఁదానె నిట్టూర్చులఁ దడఁబడెను
చ.3:
గందానఁ బూసినపూఁత కడగి లప్పలు గట్టి
యిందుముఖెలమేల్మంగకింపులాయను
కందువ శ్రీ వేంకటేశు కౌఁగిటఁ బేంట్లు రాలి
సందడిరతులలోన సంగతాయను