ఈ పుట అచ్చుదిద్దబడ్డది
రేకు: 0123-6 ముఖారి సంపుటం: 07-138
పల్లవి:
నీవే యింత సేతువట సేనియ్యకొనలేనా
పోవులై నీకే చింత పుట్టునని కాక
చ.1:
తాపానఁ బొందింతువట తగనేఁబొరలలేనా
పాపముఁ నీకంటుననే భయముగాక
కోపగింతువట నీవు కోరి నేనోరువలేనా
దీపించనన్నిటా నీకుఁ దిట్టువాటని కాక
చ.2:
ఆసకొలుపుదువట అలఁతకోపంగలేనా
దాసులు నిన్ను నమ్మరింతానని కాక
మోసపుత్తువట నీమొరఁగుకు లోఁగాలేనా
వీసమంత నీదయకు వెలితని కాక
చ.3:
కౌఁగలింతువట నిన్నుఁ గరఁగించ నేలేనా
చేఁగ నీచిత్తము దెలిసేనని కాక
దాఁగక శ్రీ వేంకటేశ దక్క నన్నుఁ గూడితివి
తూఁగలేనా నీకు సరి దొరవని కాక
