ఈ పుట అచ్చుదిద్దబడ్డది
రేకు: 0123-4 మధ్యమావతి సంపుటం: 07-136
పల్లవి:
ఆతడిచ్చిన చనవే అన్నిటా నీకు
గాతసీయకింతట మొక్కఁగరాదా నీవు
చ.1:
సన్నచేసి రమణుఁడు సలిగె నీకిచ్చెనంటా
యెన్నిమాటలాడేవే యేమే నీవు
ఉన్నతినెందుకైనాను వోరిచీనాతఁడంటా
మిన్నక నేఁడెంత మేరమీరేవే నీవు
చ.2:
దొరతనమిచ్చి నీపొందులకు లోనాయనంటా
కెరలి యేమిటికి జంకించేవే నీవు
సిరుల నీచేఁతలెల్లాఁ జెల్లిఁచీనంటాను
వొరసి గోరనేల వూఁదేవు నీవు
చ.3:
కదిసి యాతఁడు మెచ్చి కాఁగలించుకొనెనంటా
వుదుటుఁ జన్నులనేల వొత్తేవే నీవు
వెదకి యిటువంటి శ్రీ వేంకటేశుఁడేలెనంటా
ముదమున రతినెంత ముంచేవే నీవు