ఈ పుట అచ్చుదిద్దబడ్డది
రేకు: 0122-5 శ్రీరాగం సంపుటం: 07-131
పల్లవి:
కంటిమి నేమీభాగ్యము కన్నుల తుదలను నీఁడిదె
జంటలు నీకీవిద్దెలు సాజమె కదవయ్యా
చ.1:
విందులమోవులయీవులు వీఁపుననానినకుచములు
పాందులకొనగోరొత్తులు పాలఁతికి నీకమరె
చిందేటి నెలవుల నవ్వులు సిగ్గుల మోముల వంపులు
కందుననుండెడి యీచెలికత్తియలకు నమరె
చ.2:
తొడఁదొడ మోచినమేలముదోమటివీడెపుటుదుటులు
జడిగొను చూపుల ననుపులు సతికిని నీకమరె
యెడనెడఁ బయ్యెదమరఁగులు యెఱుఁగమి సేయు పరాకులు
ఆడియాలపుమీకొలువులయంగనలకు నమరె
చ.3:
ఆయములంటినమఱపులు నడఁచియు నడఁచని వూర్చులు
యీయెడ శ్రీ వేంకటేశ యిద్దరికిదె యమరె
చాయల సన్నలపదరులు సరిఁదెరవాల్చిన నేర్చులు
పాయని నీవూడిగముల పడఁతుకలకునమరె