ఈ పుట అచ్చుదిద్దబడ్డది
రేకు: 0121-1 దేసాళం సంపుటం: 07-121
పల్లవి:
ఆలీకి మగనికి నాఱడేఁటికే
తాలిమితోడ లోలో తనివందరాదా
చ.1:
దొంతిఁబెట్ట వలపులు తోరపు బూజగుండలా
పంతాలు సంగడిఁ బార బండికండ్లా
యింతేసి మీరిద్దరును యేఁటికిఁ బెచ్చు రేఁగేరు
యెంతకెంత సేసేరు యెనసి వుండరాదా
చ.2:
మమతలు పేరఁబెట్ట మందలపాలా యేమి
తమకము తులదూఁచ తాసుచిప్పలా
జమళినిద్దరూనెంత సరులకుఁ బెనఁగేరు
తిమురనేఁటికి మీలో దిందుపడరాదా
చ.3:
సరిబేసి మాటలాడ జంట జూజాలా యివి
సిరులతోఁ బెనఁగఁగ జెట్టిసాదనా
గరిమె శ్రీ వేంకటేశ కాంతా నీవుఁ గూడితిరి
గరువాలేఁటికి నింకాఁ గలయఁగ రాదా
