ఈ పుట అచ్చుదిద్దబడ్డది
రేకు: 0120-6 నాదరామక్రియ సంపుటం: 07-120
పల్లవి:
రాఁగదవే యిఁకనేల రాపు బీరాలు
మాఁగిన మోవి తేనెకు మరిగిన దానవు
చ.1:
సిగ్గులువడ్డవారె పో చేతికి లోనౌదురు
యెగ్గులు వట్టేవారె పో యియ్యకొందురు
నిగ్గుల నెంచి చూచితే నీ కొలఁదివారా భువి
తగ్గక మరుతంత్రాల తగిలేటివారు
చ.2:
పట్టి పెనఁగే వారె పో పంతములెల్లా నిత్తురు
గుట్టు తోడనుండే వారే కూడుదురు
నెట్టన నెందరులేరు నీవలె పెచ్చురేఁగి
గట్టిగా మనసులు కరఁగేటివారలు
చ.3:
అనుమానించేవారె పో ఆసలకు లోనౌదురు
తనిసినవారె పో తమకింతురు
చెనకి యలమేలుమంగ శ్రీ వేంకటేశుఁడ నేను
మనవలెఁ గూడేవారే మచ్చికైనవారలు