ఈ పుట అచ్చుదిద్దబడ్డది
రేకు: 0120-5 రామక్రియ సంపుటం: 07-119
పల్లవి:
రసికుఁడ తిరుపతి రఘువీరా
కొసరుగాదు నాలోని కూరిములు గాని
చ.1:
వెలయ నీవిఱిచిన విల్లువంటిది గాదు
విలసిల్లు నాబొమ్మలవిండ్లు గాని
చెలఁగి తపసుచేసీ చిత్రకూటగిరి గాదు
గిలుకొట్టు నాకుచగిరులు గాని
చ.2:
మేటియై నీవు వేసిన మెకముచూపు గాదు
సూటిదప్పని నా కనుచూపులు గాని
గాఁటమై నీవు సేతువు గట్టిన జలధి గాదు
చాటువ నాచెమటల జలధులు గాని
చ.3:
తగ నీవు గెలిచిన దనుజయుద్ధము గాదు
దగతోడి నా మదన యుద్దము గాని
నగు శ్రీ వేంకటేశ కనక సతి పొందు గాదు
పాగడే సీతనైన నాపాందులు గాని