ఈ పుట అచ్చుదిద్దబడ్డది
రేకు: 0120-2 నాట సంపుటం: 07-116
పల్లవి:
వాఁడివో కంటిరటరే వన్నెలవాఁడు
పైడి మోలముకటారుపరుజులవాఁడు
చ. 1:
పెద్ద కిరీటము వాఁడు పీతాంబరమువాఁడు
వొద్దికఁ గౌస్తుభ మణివురము వాఁడు
ముద్దుల మొగమువాఁడు ముత్తేల నామమువాఁడు
అద్దిగో శంఖచక్రాల హస్తాలవాఁడు
చ. 2:
అందిన కటిహస్తము నభయహస్తమువాఁడు
అందెల గజ్జలఁ బాదాల మరువాఁడు
కుందణంపు యీ మకరకుండలంబులవాఁడు
కందువ బాహుపురుల కడియాలవాఁడు
చ. 3:
నగవుఁజూపులవాఁడు నాభికమలమువాఁడు
మొగపుల మొలనూళ్ళ మొలవాండు
చిగురుమోము వాఁడు శ్రీ వేంకటేశుఁడు
తగు నలమేలుమంగ తాళిమెడవాఁడు