ఈ పుట అచ్చుదిద్దబడ్డది
రేకు: 0118-1 పాడి సంపుటం; 07-103
పల్లవి:
అన్నిటాఁ గలికివైతే నౌదువు గాని
యెన్నరాదాతని ప్రియమియ్యకొనవే
చ.1:
వసముగాని పతితో వాసులేల నెరపేవే
కసుగాటు వలపుల కాయవు నీవు
రసములు చిందినదె రమణుఁడు మాటలనే
విసువక ఆదరించి వినఁగదవే
చ.2:
మేటియైన విభునితో మేకులు చూపకువే
తేట వయసుల పూవుఁదీగెవు నీవు
మాటులేని మందు నూరీ మగఁడు నవ్వులనే
చాటుకుఁ బోకందుకొని సమ్మతించవే
చ.3:
శ్రీ వేంకటేశ్వరునితో సిగ్గులు వడకువే
దేవరవంటి పట్టపుదేవివి నీవు
చేవదేర మన్నించి చేఁతల నిన్నీతఁడు
పూవువలె నిట్లనే భోగించవే
