ఈ పుట అచ్చుదిద్దబడ్డది
రేకు: 0117-5 మధ్యమావతి సంపుటం: 07-101
పల్లవి:
వేగునంతానేల జాలి వెలుమజోలి
సోగకన్నుల నాతనిఁ జూడఁగరాదా
చ.1:
చలమే నీకు బలమా సరసములాడరాదా
వలచిన రమణుఁడు వద్లనుండఁగా
అలిగితేనేమాయ నప్పటీకపుడె పోయ
చెలులు చెప్పఁగా సందుచేకొనరాదా
చ.2:
పట్టినదే పంతమా పైకొని మాటాడరాదా
గుట్టుతో నీపతి చెంత గూచుండఁగా
వొట్టుక దోసములేదు వొగి నీకుఁ బొద్దువోదు
పెట్ట గిలిగింతలకే బెట్టి నవ్వరాదా
చ.3:
సిగ్గులే మూలధనమా చేరి పైకొనఁగ రాదా
అగ్గమై శ్రీ వేంకటేశుఁడలమఁగాను
యెగ్గులెల్లా నేఁడె జారె యెదుటఁ బ్రియములూరె
వెగ్గళించె నాస వెల్లవిరులు గారాదా