ఈ పుట అచ్చుదిద్దబడ్డది
రేకు: 0213-6 దేశా(సా)క్షి సంపుటం: 08-078
పల్లవి:
సరివచ్చెఁ గదవే చల్లేటి నీవలపులు
గరిమె నీరమణుఁడుల గాలివంటివాఁడు
చ. 1:
తాలిమిగలవారికి తలఁపెల్లానీడేరు
అలరి కోపక త్తెలకాలు సోఁకు
యేల తప్పక చూచేవు యెఱఁగవా నీవిది
మేలిమి నీమగఁడు తుమ్మిదవంటివాఁడు
చ. 2:
చెంతనున్నవారికి చేతికిఁ జిక్కు బనులు
పంతపు మగువలకుఁ బట్టుఁ జలము
మంతనమేమాడేవు మాఁటిమాఁటికి నాతోను
మంతుకెక్కి పతి నీడమానివంటివాఁడు
చ. 3:
కూడినట్టివారికి గుణములెల్లా మంచివి
వేడుక వనితలకు వెలియే లోను
యీడనే శ్రీవేంకటేశునింతినీవు గూడితివి
తోడనితఁడెంచితే చంద్రునివంటివాఁడు
