ఈ పుట అచ్చుదిద్దబడ్డది
రేకు: 0201-6 శ్రీరాగం సంపుటం: 08-006
పల్లవి:
పదరుదురా యిటు పైపైపనే
అదన నీకు మోహపు వాఁడతఁడు
చ. 1:
చెలువుఁడు నీకటు సేసిన బాసలు
తలఁచుకొనఁగదవె తరుణీ
అలుగక ములుగక ఆతనిగుణములు
తెలసుకొనఁగదవె దినదినములను
చ. 2:
అంతరంగమున నాడిన మాటలు
చింతించుకొనవె చెలియా
పంతములాడక పలుమరుఁ గొసరక
పొంతనె కనుకో పూఁటకుఁ బూఁట
చ. 3:
శ్రీవేంకటపతి చెనకిన చెనకులు
భావించి చూడమో పడఁతీ
యీవిభుఁడె కలసె నిఁక నేమిననక
ఆవటించు ముదమడగడుగుకును
