ఈ పుట అచ్చుదిద్దబడ్డది
రేకు: 0247-6 ఆహిరి సంపుటం: 08-282
పల్లవి:
నెలఁతఁ బాసితే నీకు నిమిష మేఁడవును
యెలమి దగ్గరివుంటే నేఁడు నిమిషమవును
చ. 1:
కన్నులఁ బెట్టినయట్టి కాటుకచూపులు నీపై
పన్ని చెలి చల్లితేనె పగలు రేయౌ
వున్నతి పద్మరాగాల వుంగరాలచేతినిన్ను
తిన్నఁగా నంటితే నట్టె తెల్లవారును
చ. 2:
వీడెపు మోవిసెలవి వేడుకతో నవ్వితేను
నీడలఁ గాసిన వెల్లా నిండు వన్నెలౌ
పాడితో యించుకవడి ప్రణయకలహమయితే
యేడచూచినా నదె యెండగానును
చ. 3:
శ్రీవెంకటేశ యిట్టె చెలి నిన్నుఁగూడెఁగాన
సోవలుగా మోవిమీఁదఁ జుక్కలు నిండె
వేవేలు రతులచేత వెలయఁగా దిక్కులెల్ల
కావిరి మాని హృదయకమలము నించెను
