ఈ పుట అచ్చుదిద్దబడ్డది
రేకు: 0246-4 శ్రీరాగం సంపుటం: 08-274
పల్లవి:
ఎరుఁగుదుము నీ నాయా లేల చెప్పేవు
వొరిమె గలవాఁడవు వూరకుఁడ రాదా
చ. 1:
మొగమోట గలవారు మోహించిన సతులకు
తగవు చెప్పేరా తప్పకుండాను
మగఁడ వై తేనేమి మచ్చికగలచోటికి
తెగెవా పరులకైతే దీకొందువుగాక
చ. 2:
చుట్టపుఁ బొందైనవారు చూచి చూచి సవతుల
యెట్టయినా వున్నట్టే యేలాడేరు
దిట్ట వైతేనేమి నీతీరుకు వచ్చేవారిఁ జే
పట్టవా వింతవారైతే భ్రమయింతువుగాక
చ. 3:
కడు వేడుకకాండ్లు గలిగినట్టె ధర్మము
నడుపేరా శ్రీవెంకటనాయక నేఁడు
అడరి నన్నుఁ గూడితి వాపెనుఁ గొంతమాత్రము
విడిచేవా యిది నీ వేసా లింతేకాక
