ఈ పుట అచ్చుదిద్దబడ్డది
రేకు: 0245-1 శ్రీరాగం సంపుటం: 08-265
పల్లవి:
చెప్పినట్టు సేయకున్న చిన్నఁబోరాదు
కప్పురగందులకెల్లాఁ గల దిదె చాలు
చ. 1:
చనవు లేనిచోటి జగడాలు
పెనఁగఁబోతే వట్టి పిరివీకులు
కనుకొని మాటాడరె కాంతలు
వనితల కిందరికి వాసితోడి బతుకు
చ. 2:
అందియు నందనిచోటి యాసలు
సందడిఁ బెనఁగఁబోతే సటవటలు
పొందులు దెలుసుకోరె పొలఁతులు
చెందిన యింతుల కెల్ల సిగ్గు మూలధనము
చ. 3:
అలసిన రతిలోని యలుకలు
చలపట్టఁబోతేను సదమదము
కలసె సన్నిదె శ్రీవెంకటవిభుఁడు
లలనలకెల్లా నీలాగులెపో లంకెలు
