ఈ పుట అచ్చుదిద్దబడ్డది
రేకు: 0233-1 శంకరాభరణం సంపుటం: 08-193
పల్లవి:
నేరుపరి విన్నిటాను నీకు నే లోను
కారముగాదు కప్రము కానీవయ్యా
చ. 1:
పలుకనేరిచితేను బయలెల్లాఁ బందిలి
చలము సాదించితే శశియేరవి
యెలమి నీమాటలకు నెదురాడగలనా
కలసి కాఁగిలించేవు కానీవయ్వయిఁకను
చ. 2:
వేసరక నిలిచితే వేఁగైనఁ జలువే
రాసి దంచదొరకొంటే రాయేపండి
ఆసపడి నీ వున్నందు కడ్డయీడఁగలనా
కై సేసుక నన్నంటేవు కానీవయ్యా
చ. 3:
గారవించి కూడితేను కాఁగిలే చెమటనీరు
గోర గీరఁబోతేను గుంతేయేరు
సారపు శ్రీవెంకటేశ సన్న సేయఁగలనా
కారణానఁ గూడితివి కానీవయ్యా
