ఈ పుట అచ్చుదిద్దబడ్డది
రేకు: 0221-5 శుద్దవసంతం సంపుటం: 08-125
పల్లవి:
ఇద్దరుఁ గదిసి కొంకనిఁక నేఁటికే
చద్దివేఁడి సరసాలు సరిచూడరాదా
చ. 1:
కదలించేవవునవునే గక్కున విభుఁనితోడ
పెదవిమరఁగుననె పెనుమాటలు
వుదుటుఁ దమకమున నోపిక కలిగితేను
యెదుటి మరుసామున కియ్యకొనరాదా
చ. 2:
పన్ని వేసే వవునవునే పదరి యాతని మీఁద
కన్నురెప్ప మరఁగల కాముబాణాలు
సన్నల మీలోనింత చనవులు గలిగితే
నున్నతపు రతికేలి నొరయఁగ రాదా
చ. 3:
నెట్టన నొత్తేవేమే నీవు శ్రీవేంకటేశ్వరు
పుట్టిన పయ్యదమాటు పూబంతుల
ఱట్టుగాఁ గూడితివి మీఱఁగ రాజసము మించి
తొట్టిన మదములను దొమ్మిసేయరాదా