ఈ పుట అచ్చుదిద్దబడ్డది
రేకు: 0217-6 పాడి సంపుటం: 08-102
పల్లవి:
ఏమని వూరడించేవో యిఁక నీచిత్తముకొద్ది
దామెన తిట్లతోడ తలవంచీనదివో
చ. 1:
చెలి నినుఁ జేరవచ్చి చేతులెత్తి మొక్కగా
చెలరేఁగి చన్నులపైఁ జేయి చాఁచేవు
వెలఁదితో నవ్వులకు వేళావేళలు లేవా
సెలవుల నవ్వులనె సిగ్గుపడీనదివో
చ. 2:
అంగన బాగాలిచ్చి ఆకు మడిచీయఁగానా
యెంగిలి సేసేవు మోవి యిందరిలోన
గుంగిలి సరసాలకు కొంతైనా మరఁగువద్దా
సంగతి గాదని నీతో సన్నసేసీనదివో
చ. 3:
వువిద పైపై నీకు వూడిగాలు సేయఁగానా
జవళిఁ బాదాలు చాఁచి సారె పంచేవు
కవగూడితివి శ్రీవేంకటేశ తగవే కదా
పవళించి యింకా నీతో పంతమాడీనదివో